給所有中學生:青春燃燒吧!

唔想睇字既你
可以選擇聲音導航



--------------------------------------------------------------------------


食飯時間，我係YOUTUBE上面見到一段熱門短片，
百無了賴既我，左手反射性咁去按動“播放鍵”。
故事既入面係講三個中學生一個蕩氣回腸，燃燒青春既故事。
佢地不受世俗眼光，毅然參加歌唱比賽，
用自創聲調，節拍，舞步去演繹一首既熱門但又唔知係咩名既歌。

片段初時雖然充滿全場既笑聲，但漸漸隨著samuel同學創新既舞步，
觀眾慢慢被融入當中。
伴唱聲，歡呼聲此起彼落。

睇完依段影片後，我不禁回想返中學時期既青春往事。
大家以前有無試過
為左班際練波練到飯都唔食，書都唔溫?
為左一句說話，男人老狗SINGCON唱TWINS?
為左同女神單獨相處，LUNCH TIME專登誇區食老麥?

青春往往係衝動，往往係不顧後果。
青春係就係去做一D旁觀者見到會恥笑，但局內人就算過左好多年諗返都會回心微笑就既事。
簡單d講，青春就好似呀樹講既一樣。
人人都有青春，但燃燒青春就係去做一d無人敢做既野，咁果d就係燃燒青春。
(註:關禮傑跳樓果d叫呃細路，同燃燒大家既接受底線，大家唔好搞錯。)

由幼年期變為成長，成熟，甚至完全體既你地，又有幾耐無青春過?
係因為時間令青春悄悄離去?
定係因為思考多左，顧慮多左，漸漸介意別人既目光
而令到青春靜靜消失?

講到依度...我就明白到...
面前有兩條路俾我揀
第一條
哎唷哎唷噢，哎唷哎唷噢，我的青春小鳥一去不回來...
第二條
太封閉，為何人人順從編制，我要打破規例，樹立另類派系!

而借住依個機會我想同
Kitsiu, Iongjai, Samuel三位同學講
你地三個今日流過既汗水，別人既冷眼，
將會係證明你地燃燒青春，
無令青春白活既證明。

給所有中學生:

中學會係你地人生最寶貴，最開心既時間。

眼前果個成人俾你笑，成日俾你玩既同學，可能就係你一世人入面最好最好既朋友。

一齊燃燒春青，別讓青春白過

如果再有機會
我都想再青春一次